డార్లింగ్ ప్రభాస్ మిర్చి…ఎగబడుతున్న అమ్మాయిలు…!!

Image may be NSFW.
Clik here to view.హీరోయిన్లతో ‘డార్లింగ్’ అని పిలిపించుకుంటున్న ప్రభాస్ చిత్రం ‘మిర్చి’ మొన్న ప్రపంచవ్యాప్తంగా విడుదలయింది. ఈ చిత్రం చూసేందుకు అమ్మాయిలు ఎగబడుతున్నారు. వ్యవహారం చూస్తుంటే మహేష్ బాబు అమ్మాయిల కలల రాకుమారుడు ఇమేజ్‌కు ప్రభాస్ పోటీగా వస్తున్నాడా అనే చర్చ టాలీవుడ్ ఇండస్ట్రీలో సాగుతోంది.

మొదట్లో గ్రీకు వీరుడు అక్కినేని నాగార్జున అంటే అమ్మాయిల్లో క్రేజ్ ఉండేది. ఆ తర్వాత ఆ క్రేజ్‌ను మహేష్ బాబు సొంతం చేసుకున్నాడు. యువరాజు దగ్గర్నుంచి వరుసగా టీనేజ్ అమ్మాయిలు మహేష్ బాబు చిత్రం విడుదలవుతుందంటే దానిని చూసేందుకు ఎగబడుతుంటారు.

ఇప్పటికీ అదే పరిస్థితి. కాకపోతే తాజాగా ప్రభాస్ హీరోగా విడుదలయిన మిర్చి చిత్రం చూసేందుకు పెద్ద ఎత్తున అమ్మాయిలు వస్తుండటం చూస్తే, ప్రభాస్ కు అమ్మాయిల ఫాలోయింగ్ క్రమంగా పెరుగుతున్నట్లే కనిపిస్తోంది. మహేష్ బాబుకు ప్రభాస్ పోటీ అని అనుకోవచ్చా… వెయిట్ అండ్ సీ.